被無綫要求與李佳芯保持距離陳恩... - @香港TVB資訊台的微博精選

香港TVB資訊台

2022/01/26 21:47

被無綫要求與李佳芯保持距離陳恩德感侮辱抽起千萬廣告

李佳芯（Ali）跟有“蟲草大王”之稱的陳恩德（Mark）早前被爆密會，近日又指2人祕戀逾1年，網上流傳多張2人合照，包括陳恩德為Ali慶祝生日。Ali昨天（25日）發聲明澄清祕戀報道，再次強調2人只限工作洽淡，從沒發展過任何關係，今後亦不會有任何發展空間。

今天（26日）Ali原先出席一個NFT發布會，但最後改為蔡潔、王丹妮及老公羅孝勇擔任嘉賓。Mark受訪時表示：“佢（Ali）經理人有特別要求，喺呢個event唔可以同陳先生合照，即使上台大合照，一定要同陳生保持距離，要隔幾個人先可以影相，陳生同Ali唔能夠同時接受訪問。

喺我哋公司立場，係好冇禮貌，甚至係帶點侮辱嘅一個要求，咁我哋即時問‘點解臨尾會有啲咁嘅要求嘅？’當然同經理人嘅對話嗰個唔係我，咁佢哋send返畀我哋嘅時候，我諗我只能夠傳WhatsApp畀Ali，問‘係咪你主意’，佢冇覆我。”

問到2人關係是否轉差？Mark說：“佢（Ali）後來有覆，不過唔緊要喇，係私人內容，總之佢意思係公司要求各樣各樣，唔緊要喇，咁經理人打嚟，我即刻答‘唔需要喇’，唔需要原因，唔係Ali問題，係我哋需要嘅係尊重。好似今日咁樣嘅event，起碼都要介紹，起碼都要影幅相。首先我都要聲明，我都唔係锺意影相嘅人，頭先佢哋要我影相，我一幅都唔影，我好怕影相。

我講咗我立場先，亦都因為咁嘅原因，最後我哋cut咗唔使佢（Ali）出場，呢個係TVB嘅問題，我哋亦出曬信去投訴，我亦都抽曬所有TVB廣告，即係我覺得以我一個每年用千萬元計嘅客戶而獲得咁嘅待遇，我覺得佢哋簡直侮辱緊我。（有沒有討論件事或和解？）我諗樂易玲自己交代嚇啦！”

此時，Mark的律師表示：“啱啱老闆講過，出信去TVB，我哋會書信來往，尋求達成共識，我哋希望咁樣。”

再追問跟Ali私下有沒有聯絡？是否追求Ali？Mark則說：“私人問題就唔答，頭先屬於公事，就解釋一次。好多人問我點解活動有Ali個名，但Ali唔嚟，所以交代一下。（追求Ali？）我只可以咁講，喺我單方面，佢會係我好朋友，就算今日佢冇嚟，我會照送番NFT畀佢，我哋呢啲好冇所謂，其他私人事我就唔答，咁佢（Ali）想點講，我完全尊重佢講任何嘢，OK？但我覺得我唔需要去同佢去講任何說話，大家朋友。”

問到除了給NFT外，會否給予出場費予Ali？他說：“唔會咯，因為TVB收㗎嘛，唔係佢私人收。”至於會否告Ali違約？Mark的律師再度搭嘴：“我哋因為會書信來往，呢個我哋會處理。”

談到Ali發聲明劃清界線？Mark再說：“頭先講咗，佢想點講都冇所謂，喺我原則就係，唔好特別傷害佢喇，佢係一個好人。”

微博海外全站

微博國際

微博台灣

微博香港

微博新加坡

微博馬來西亞

微博泰國

微博北美

微博日本

微博韓國

微博香港 精選分類

更多香港娛樂動態

相關視頻最多人關注

香港TVB資訊台其他動態

全站最新消息

熱門微博推薦

YouTube頻道官方推薦

精選博主推薦

TVB官方微博

港劇劇透社

南都全娛樂

娛樂圈新聞速遞

環球網娛樂

微博香港精選分類