陶大宇愈唱愈紅出埋賀年歌 預告有《倒轉地球》Feel

憑歌曲《倒轉地球》在內地愈唱愈紅的藝人陶大宇,今日(23日)出席香港開電視賀年節目《名廚虎年賀新春》錄影,他透露最近錄了一首賀年歌:“系由3首賀年歌串燒埋一齊,首歌有少少《倒轉地球》感覺,而且有個字加咗落去,就系‘噓’,呢個元素一定要有。”

問到會否為新歌排舞?他說:“唔使,拍咗少少錄音嘅花絮當MV,其實本來想出去拍,但呢個時期比較敏感,所以擱置咗,首歌幾呢日就會放上網。(會唔會有招牌水撥動作?)呢首歌唔啱。(會唔會轉做歌手?)唔會,玩就會。(網民選你做我最喜愛的男歌手。)雖然知道佢哋系講笑,但聽到都開心。”

問到會否再拍劇?他直認有洽談中:“其實之前都有搵過我,但我太挑剔,加上時間配合唔到,所以冇成事,我都想拍劇,我系因為冇戲拍,所以先轉咗去唱歌,如果又唔得,我就轉去玩魔術。”他指兩年前也拍過一套網劇,但至今仍未播出,劇中飾演蔡卓妍的爸爸,覺得甚有挑戰。

更多香港娛樂動態

全站最新消息

d