張景淳“消失”《愛.回家》 單立文:紀律好緊要!

“龔燁”張景淳被傳因遲大到而被調離《愛.回家之開心速遞》,在今午(19日)劇集賀年宣傳活動上,連“離家”多時的周嘉洛亦獲安排歸隊,唯獨不見張景淳蹤影。“長腳蟹”呂慧儀被問到此事,即為“老公”護航表示:“佢嗰日冇遲到,但我唔可以代佢答,可能一個傳一個講到咁嚴重。都希望大家守啲紀律啦,唔會影響曬成個劇組進度,但都明白有時有緊要嘢會遲到,希望大家互相幫忙,做多啲啲,日後可以長拍長有。”

至於單立文則意有所指:“都拍咗5年,紀律好緊要,珍姐(曾勵珍)成日講,唔能夠一個人犯錯而影響成個劇組,所以我系好認同。我成日都聽前輩講,准時系基本嘢,我入曬腦,唔好咁多借口,如果真系有事,就打返嚟交代一聲!”

更多香港娛樂動態

全站最新消息

d