陶大宇快閃唱《倒轉地球》:集齊力量噓走衰氣同疫情

藝人陶大宇近期因翻唱《倒轉地球》人氣爆燈,剛從內地返港的他,原定今日(22日)現身觀塘apm商場出席新春活動,無奈新冠肺炎疫情近日有大爆發跡象,所以大會決定活動延期舉行。

不過為免粉絲們撲空,大宇今午時份也驚喜現身商場,並進行快閃探店行動及拍攝宣傳片,所到之處均吸引市民圍觀兼拍照,期間有粉絲大叫“張大勇”(大宇於劇集《刑事偵緝檔案》角色名),亦有些好奇問身邊友人“返咗嚟?”、也有人索性把大宇的名字以“倒轉地球”呼喚他,又以其招牌水潑手來引大宇注意,非常搞笑。

當大宇於商場大堂拍攝時,期間清唱幾句《倒》歌詞,當唱到副歌加上招牌水潑手時,現場市民頓時起哄,又不斷歡呼,到最後大宇演繹其獨特台風“噓”時,市民又跟住一起“噓”,至現成拍攝後,大宇也有與市民揮手,並雙手合十表謝意,場面熱鬧!

榮幸帶到歡樂給大家
離港接近半年的他,面對現場市民如此熱情,不諱言大感意外,但認為能夠帶到歡樂給大家也很榮幸:“見到佢哋好開心,尤其系‘噓’走嗰嚇,可能大家都想噓走衰氣同疫情,過番正常生活,我都希望集齊力量。呢排出街見到啲市民,大家有打招呼,我發現自己最近改咗姓,姓‘倒轉’,名叫‘地球’,唔系叫我名,好有趣,原定唔只我娛樂大家,朋友都娛樂緊我,雙贏。”更指返港幾日不停說話,最終搞到聲沙沙,加上與朋友聚會時,少不免被邀請即席演繹名曲:“都走唔甩,希望盡量滿足佢哋,其實今日活動延期,商場方面承諾之後做番,我個心定啲,因為一心想現場唱一次,頭先拍嘢唱兩句唔過癮,好想唱足本版等大家開心啲!”

希望休息一下
大宇還預告將留港一段長時間,除了陪家人及與朋友敍舊,也希望休息一下:“我入面七勞八損,真系好攰,趁過年時候停一停。(內地工作接唔停?)系計劃緊一啲嘢,我會喺社交平台好勤力拍片,但都會慢慢做。(首歌系你兩年前唱?)其實唱咗好耐,多謝社交平台,本來90後唔識我,依家識我仲摷番我以前嘅嘢,結果似雪球咁滾大!(呢幾個月有冇唱咗首歌幾百次?)我梗系希望唱幾百次,真心多謝呢首歌嘅作曲、填詞同主唱者,等我可以跟住唱,當然因為首歌令到工作量系多咗,好多人都問我會唔會加價,但我覺得工作量多已經當加咗價,都知老板們喺呢個疫情壓力大,所以好想大家共同渡過。”

更多香港娛樂動態

全站最新消息

d