冇得天倫樂︱梁芷珮飛北京開工農曆年唔留港

“旅遊達人”梁芷珮計劃又飛喇!她透露農曆新年前要飛北京工作,老公會隨行擔任拍攝,3子女則留港由媽咪看管,雖然今年不能與仔女在港過年,但她一早已封好利是,留給媽咪代派,她說:“大仔好乖,會幫手睇住細佬妹,我哋都放心啲,今年疫情關系,媽咪都唔會帶佢哋周圍去拜年,小朋友無得去拜年,少咗利是,好唔開心。”

趁飛之前密密接Job,早前她為運動品牌拍攝廣告,在尖東海傍附近天橋拍攝,當日天氣轉涼,被海風吹到鼻水直流,不用埋位時,立即披著羽絨,她說:“因為就嚟飛,唔可以病,我都好小心,盡量食得清淡啲,同埋食維他命,除咗工作之外都好少出街,日日喺屋企食飯,老公做大廚。”

另外,早前她擔任萬千星輝頒獎禮主持,是她首個大型騷,由於節目要預留時間給得獎者講感受,故其實並不需要講太多稿,她說:“當日自己感覺良好,好enjoy好開心去做,聽番朋友講都話我淡定,睇唔出我緊張。(有前輩贊?)思捷有話我做得好,我同周奕瑋一個team,我同佢熟啲,都話我唔似第一次做主持,可能同熟人一齊,感覺舒服啲啩!”

提到她與王敏奕的晚裝“撞衫”,她表示款式十分相似,自言各有各著得靚,不過她就自爆十分輪盡,小腿被晚裝劃了一度血㾗。不說不知,其實她一直很怕做司儀,擔心臨場表現不好,過往推掉不少司儀工作,自從有過第一次經驗,已經不再怕。她說:“之前無諗過可以做到,其實拍《潮什麼》系同老公兩個人去做,唔覺得做緊嘢,但做司儀就要背稿要應對,自從我媽咪同我講,佢話唔使怕講錯,如果真系講錯就笑笑口,然後講啱就無嘢,因為無人知道你份稿系點,估唔到令我冷靜竟然系我阿媽。”

更多香港娛樂動態

全站最新消息

d