思家大戰︱高層C君被爆“衰鹹濕” 搞到李思捷一額汗

由李思捷主持的遊戲節目《思家大戰》最新一集請來由Ben Sir率領的“陀地冇人性”隊,成員有陳嘉慧、黃紫恩(Jojo)、伍韻婷(Juliana)及布樂文(JB),對戰家庭觀眾代表“同李學壞”隊。向來風趣幽默的Ben Sir,介紹隊員時大曬急才:“我哋組咁多個J,今晚實好好J啦!好好J即系可以令人仰慕咁解!”

至於“同李學壞”5人原來全是思捷相識至少30年的同學,不過他們就著老同學向製作組自薦影片,最終因表現突出被選中上節目。“同李學壞”隊一出場即狂窒思捷謂:“打極畀你都唔接。”思捷聞言妙回:“電話冇顯示你名。”豈料對方再反擊:“梗系啦!因為我電話唔系曾志偉個冧巴嘛,你梗系唔聽啦!”

另外,創意總監C君亦有現身捧場,其中一條問題是“衰老板特徵”,思捷即叫他們以C君平日行為作為答案藍圖,結果C君當然落得一身負評,其中Juliana更因言語上有誤會,誤指C君“衰鹹濕”,搞到思捷虛驚一場。

更多香港娛樂動態

全站最新消息

d