遲遲未返《愛回家》 周嘉洛新年願望最想返屋企

藝人周嘉洛獲TVB力捧,目前正趕拍劇集《四十二章經》,搞到“回家無期”﹗談到拍攝《四》劇,他形容過程好玩兼刺激:“飛車戲我好锺意,我本身冇電單車牌,想拍得型啲,所以特別上心,另外爆破戲都系我首次接觸。”

嘉洛笑言騎車戲自己其實“得個樣”:“因為有安排替身,我就負責近鏡騎上去做樣啫。(想考牌?)我擔心會有啲危險,因為電單車速度感好強,如果好似由將軍澳坐到入去元朗,我諗我都唔敢揀電單車﹗”

談到首次接觸爆破場面的感受,嘉洛表示:“我覺得只要鏡頭拍到出嚟,就應該系安全嘅,所以都冇諗咁多。嗰場戲交代我被綁架,由江嘉敏同鄭子誠等人趕嚟營救,最激系江嘉敏,佢好似識輕功水上飄咁,每行過一個位跟住啲地雷就被引爆,佢先系最近距離嗰個,不過我哋安全措施做到足嘅。”

他透露該劇如無意外將於農曆年前收工,當被問到新年願望,他表示﹕“好想‘返屋企’(指歸隊《愛.回家之開心速遞》,同場希望大家都新年進步同身心愉快。”

更多香港娛樂動態

全站最新消息

d