被贊有李佳芯影子!蔡潔放棄埋堆:唔再刻意改變自己

藝人蔡潔於2013年選完華姐後,返到澳洲工作及讀書,幾乎定居下來與演藝事業擦身而過。直到2014年簽約電影公司,翌年更拍了10套電影,在影圈初試啼聲。後來因轉公司由影圈轉戰電視劇,她說:“電影、電視劇好唔同,拍劇就好考演員執生。”

最近在TVB劇集《拳王》孭飛女主角之一,外間更覺得她演出有李佳芯(Ali)的影子,她說:“有聽過,自己覺得唔似,佢靚好多。都锺意Ali嘅演繹,佢系我欣賞嘅演員,如果學到,當然系好事。”不過,慢熱的她性格上與Ali相反,入行8年的她自言才慢慢適應娛樂圈的節奏,她說:“監制都話,蔡潔真系好慢,煞科咁耐,去睇首播先同大家熟絡。”

認為慢最適合自己
曾經想改變自己去迎合別人的蔡潔,最終亦覺得勉強不來,情願慢慢地認識,她說:“入行試過想活躍啲、唔好咁怕醜,但系都幾辛苦,相信人哋都感覺到幾奇怪。呢行咩性格嘅人都有,慢有慢嘅好,自己亦快唔到,唔會再刻意改變自己,呢個就系我。”

想通想透,蔡潔認為慢最適合自己,但亦想方法令自己的計劃慢得來能快實現,她說:“學緊做生意、希望出年能夠做導演、編劇、想同人交流多啲,會多啲用社交網,自己做嘢好慢,所以同時做多幾項就會快啲。”

更多香港娛樂動態

全站最新消息

d