慳得就慳!黎諾懿自嘲銀包乾塘唔諗再生B

藝人黎諾懿今日(4日)以大使身份出席講故事比賽的頒獎嘉賓,劇團創辦人魏綺珊就擔任評審之一,黎諾懿提到太太李潔瑩將於聖誕前卸貨誕第二胎,笑言聖誕出世使費貴些,故盡量聖誕前出世,實行慳得就慳,希望將來給予更舒適環境給兩兄弟。他說大仔小春雞(黎峰睿)今年4歲,已知道細佬就快出世,經常問細佬何時出世,他說:“我哋都迷信,問過知道大仔好錫細佬,好安慰。”他自認劏魚叻,但好怕看到親人血淋淋,大仔出世時已沒有入產房,今次亦避得就避。

由於有上次做爸爸經驗,故知道爸爸的工作都好忙,他說:“上次扮勁,覺得自己可以湊得掂,結果搞到有幻聽,一合埋眼就聽到小朋友喊聲。今次都系交畀陪月專業人士,同太太講好,細仔出世後,會花多點時間畀大仔,教大照顧細。”

他透露發覺近來變了長氣袋,以前大仔做錯事會鬧,現在改為氹:“自己講嘢愈來愈細聲,溫柔咗,冇咗脾氣,變到唔系自己。(生多幾個仲溫柔?)到時唔系幻聽,系銀包有幻覺,啲錢咁快冇曬嘅,哈哈,都系兩個夠。”並笑言準備狂收契女,計劃收齊劇集《BB來了》飾演允豬的小女孩做契女。

更多香港娛樂動態

全站最新消息

d