最麻甩嘅化妝教學 黃翠如大騷慳妹本色

唔少女星近年都進軍網紅界,拍片分享化妝扮靚心得,最近正放假休息嘅藝人黃翠如亦加入拍片行列,活躍於內地影片平台,不過向來貼地嘅佢就有別於一般女星,竟自爆“最真實嘅化妝方法”,片中見佢綁上發帶、素顏示人,同平日分別不大,佢先用保濕液噴滿全面,然後勁粗魯咁大力拍打面部,之後搽上精華液,再用抹碗式嘅方法快速抹勻,手法勁麻甩,連佢自己都笑指:“我可能就是這樣很多紋,不要學我!”而出名慳家嘅佢,不但因為唔想花錢買粉底液,而用防曬隔離霜代替,仲自爆胭脂用足5年都唔舍得掉,不愧為數一數二嘅“慳妹”。

更多香港娛樂動態

全站最新消息

d