林欣彤淨系幫梁祖堯 許廷鏗呷大醋

歌手許廷鏗(Alfred)與好友林欣彤(Mag)今日(2日)出席服裝品牌活動,同場有Alfred《全民造星IV》的4位學員,帶埋她們出活動的Alfred表示:“客戶好好,我哋嚟緊仲plan之後開音樂會,會叫埋佢哋同其他學員。”講到聖誕節將至,Alfred就要做《造星IV》決賽,而Mag亦會在工作中度過,問到冇男仔約嗎?她想了一會兒笑言:“暫時冇,但如果得閑可以嘅。”

Alfred即笑言約她來《造星》決賽,又贊她好,為學員提供意見,Mag即解釋:“嗰日我去錄節目,見到梁祖堯,佢話不如過嚟同班女仔傾嚇偈,咁啱佢哋有個低音(指參賽者)過唔到嚟,所以我就教咗佢哋幾句。”Alfred即“呷醋”:“原來你淨系幫阿祖。”Mag就“反擊”:“你揀咗鄧小巧幫手都唔叫我!”Alfred隨即表示他們、小巧及鄭欣宜有一起食飯,期間他亦hard sell一齊睇《造星》。Mag亦有睇開節目,更睇好Marf:“因為佢同我參加比賽嘅歲數一樣,都系19歲。”

而講到昨晚大熱咖喱被foul,惹起網民評論, Alfred表示:“我都好锺意佢,但冇辦法,當下系電光火石嘅決定,亦系當下最好嘅決定,大家唔舍得佢即系佢觀眾緣好。(梁祖堯畀人鬧?)我唔敢睇,同埋都唔會改變結果,不過節目完,唔代表佢哋個仕途完結,我哋都會同佢哋合作,好似阿祖會邀請佢哋參演舞台劇。”

更多香港娛樂動態

全站最新消息

d