Gin Lee同薑濤合唱 最想儲齊MIRROR 12子

歌手Gin Lee(李幸倪)今日(2日)現身尖沙咀,再同兩位“鏡仔”Jer及Ian合體,她表示跟二人更為熟絡,雖然之前拍過兩次廣告,但都是首次一齊出席公開活動,搞笑話終於感受到“鏡粉”的熱情,問到身邊可有女性朋友羨慕她跟“鏡仔”合作?她笑說反而沒有:“但可能過咗今日之後就會羨慕。”打趣問可會想“儲齊”12子合作?Gin Lee笑言都想,暫時已同過3位“鏡仔”合作:“仲有同薑濤合唱,幾锺意佢哋3個嘅性格。”

她續自爆趣事,話曾任鼓手的爸爸最近參演馬來西亞的一部賀歲片,昨日(1日)煞科:“戲入面佢都系做番自己,佢首次拍電影好戥佢開心,我想拍都未有得拍,畀佢捷足先登,哈哈!成件事覺得好熱血,因為佢已經退咗休,可以做到自己锺意做嘅事好好!”

她又笑說爸爸在拍攝期間都有問她意見,二人互相交流:“但之後就冇再問,因為唔想畀壓力佢。(想唔想之後一齊拍劇?)有機會都想!(唔做父女,你做上司,爸爸做下屬?)驚返去畀佢鬧,唔敢想像,但又幾搞笑,哈哈!”

更多香港娛樂動態

全站最新消息

d