十月初五的月光︱“全海景”石修穿越時空 同薛家燕再聚

藝人石修今日(2日)現身新城電台接受薛家燕訪問,分享拍攝無綫台慶劇《十月初五的月光》點滴。於2000年舊版本中與顏國梁飾演的“全海景”為一對的家燕姐,笑稱今日穿越時空,與新版“全海景”石修交流,她説:“當年喺澳門拍攝,有好多當地朋友請食飯,佢哋今次喺流浮山拍食得仲勁。”

石修表示當地街坊很好客:“佢哋好客氣,煮好曬啲海鮮送到現場請我哋食,感覺好親切,直頭當我哋系街坊一樣。”他指當地保留著香港已少見,像北京“里弄”般的鄉村特色。家燕姐則大贊他於劇中吹色士風演奏十分出色,她打趣說:“嚟緊佢好忙㗎,聽講除咗陶大宇之外就到佢返國內地吹色士風呀,哈哈!”石修則笑言到時要邀請家燕姐跳十字步齊齊表演。

問到聖誕工作及節目安排,石修指暫時也會留港拍劇及陪家人:“我系住家男人,會喺屋企陪老婆。(會落廚煮幾味?)我入廚房我老婆會叫我返出去,哈哈!我會扮關心咁喺門口望嚇,呢啲生活情趣嚟,仔同新抱都會過嚟一齊食飯傾偈。”問他會否心急想抱孫,他指後生仔自有計劃,自己從不過問,冇謂令他們有壓力。家燕姐則開心展示孫兒穿上聖誕服的近照,指會與孫兒一起過聖誕。

更多香港娛樂動態

全站最新消息

d