陳瀅大戰劉佩玥 港版《Penthouse》有得做?

韓國話題劇《Penthouse》(頂樓)做足3季,次次都大收旺場,9月先播完《Penthouse 3》大結局,大家未回味完,估唔到咁快就傳出無綫有意翻拍做新劇!消息指曾志偉屬意搵“外援”葉念琛做導演,開拍女仔復仇、鬥爭嘅故事,現正於構思階段,更有心想搵上位花旦陳瀅、劉佩玥、蔣家旻及蔡潔做4大女主角,增加新鮮感。

其實該劇仲有馮盈盈,早前東網已率先爆佢同方力申、陳瀅接拍葉新劇,當時盈盈事前話唔會同小方演情侶。被指有份參與該劇嘅蔣家旻,接受東網訪問時話尚未正式收到通知,但得悉葉念琛將執導TVB劇大感高興:“畢竟喺2012、13年嘅時候,導演系畀咗我首次拍電影嘅機會,但之後好多年都仲未有機會合作,所以希望今次可以合作到。”

至於劉佩玥接受訪問時坦言有聽過消息,但就未有收到公司嘅正式通知,未知道確實劇情內容同埋角色會甚樣安排,佢話:“如果消息系屬實嘅話,對呢個合作同新嘗試系感到非常期待,所以依家我首先要拍好手頭上套劇,之後嘅工作就等公司好好安排啦!”

更多香港娛樂動態

全站最新消息

d