劉彩玉獲TVB頒30年服務獎 最難忘做《城市追擊》要採訪嘉利大火

26/11無線(TVB)電視城舉辦“長期服務暨杰出員工榮譽大獎頒獎典禮2021”,其一由《都市閒情》、《流行都市》的主持人劉彩玉亦獲頒“30年服務”獎項。

劉彩玉接受訪問時說:“喺咁大型公司工作咗咁多,好開心,因為可以做到自己锺意做嘅職業。”她回想起最初入行時的情況,真是百般滋味在心頭,她說:“我記得嗰時喺廣播道開始已經開工,嗰時做緊《都市閒情》個通告係07,嗰時後生又未考到車牌,要5點起身,每日就要拎住一大個化妝箱由港島搭車過去返公司,個感覺雖然係好早起身,但係返到公司好似個大家庭,好開心好充實。”

有什麽深刻事可以分享?她說最深刻的事是當年需要採訪嘉利大廈大火。她說:“作為演員基本唔能夠做到新聞採訪個角色,去到一落車,直頭係大煙同埋個感覺係好(震撼),冇諗過會遇到呢啲情境,但係做《城市追擊》就係要做呢樣嘢,又會見到消防員行出行入,抬住啲傷者,之後嗰幾日都要去現場採訪。呢個就係最深刻嘅事。”

更多香港娛樂動態

全站最新消息

d