一星期操足五日差啲嘔 林峯自爆畀人輪流打

久未在港露面的藝人林峯及任賢齊今日(30日)到屏山為新戲開鏡,小齊表示首次與對方合作,大贊對方很努力,為打戲不停操練,一星期操足5日:“以前見佢形象系風流倜儻,今次就系鋼條身形。”

問到可會騷肌?林峯指不刻意,又透露今次是大挑戰,會打到飛起:“畀小齊、古天樂輪流打,基本上每個角色都會打我,今次有拳腳打、撞車、跳樓,飛天遁地。”他指為拍攝事前訓練了個幾月:“未試過能量咁高嘅訓練,第一日練3個鐘,仲練到差啲嘔。(練到有冇受傷?)少不免,每日都會揩花,但值得。(有冇買保險?)少少,但大家辛苦都值得。”小齊即笑言幸好沒有太多打戲。

兩人又謂電影是80年代的造型,故他們都戴帽以免新發型曝光,林峯亦特地曬黑配合角色。講到電影拍到新年後,豈不是未能與家人度過?小齊表示是演員的付出,林峯提起囡囡即冧爆指每日都要視像見面:“依家個女歲幾,掛住老婆又掛住小朋友。(個女咁耐冇見你唔認得你?)唔會,一見到我就叫爸爸,冧到幾辛苦都冇所謂。(唔叫老婆同個女嚟香港?)始終疫情要隔離,同埋小朋友搭飛機都有風險。”

更多香港娛樂動態

全站最新消息

d