星光熠熠|Gin Lee睇好曾比特攞新人獎:佢有呢個實力同觀眾緣

《星光熠熠耀保良》昨晚(28/11)在紅館舉行,Gin Lee(李幸倪)除了獻唱新歌《IDK》外,也與師弟曾比特(Mike)合唱《日出時讓街燈安睡》。Gin接受訪問時,被問到這位樂壇新人在合唱時的表現,她笑說:“冇得比較嘅,永遠都冇人可以取代到‘歌神’(張學友)嘅位置。但係我覺得Mike好有實力,佢係我今年好锺意嘅一位新人,因為佢好乖、有禮貌、勤力。我睇好佢,希望佢繼續畀心機,保持好學同謙卑嘅心態。(睇好佢攞新人獎?)我希望佢攞㗎!佢有呢個實力,同埋有觀眾緣。”

同場還有炎明熹(Gigi)、姚焯菲(Chantel)、锺柔美(Yumi)和詹天文(Windy)首度以女團After Class名義同台獻唱,不過Gin因為要準備表演,未有留意她們表現。她指現時看到《聲夢傳奇》學員忙於籌備新歌、拍劇,甚至開始出道成為歌手,除了興奮,也會開始替她們感到擔憂:“見到佢哋有咁多曝光,有好多工作,我好戥佢哋開心,但係同一時間我會好擔心佢哋,成日會諗佢哋要返學,學業會點呢?夠唔夠休息呢?但係我都做唔到啲咩啦,唯有見到佢哋就同佢哋打氣,如果佢哋有咩要搵人傾訴,隨時搵我。”

至於今個星期Gin憑《IDK》登上商台,她指前日從同事口中得知結果後感到開心,又坦言這次為表演新歌,不但悉心打扮,更花了不少時間練舞:“我第一次喺現場跳唱呢首歌,為咗今次表演同呢首歌,我練咗幾個禮拜舞,每日放工無論幾多點都好,我都去排舞,或者返工前好早就去排,每日都係咁。我唔係由細就跳舞,我要喺最短嘅時間跳得最好,呢段時間好畀心機做呢樣嘢,知道大家锺意呢首歌同表演,就會係我最大嘅肯定同鼓舞。”

更多香港娛樂動態

全站最新消息

d