星光熠熠|張敬軒心情未受愛犬病重影響:要做嘢嘅時候就要做嘢

《星光熠熠耀保良》昨晚(28/11)在紅館舉行,當晚壓軸出場的張敬軒以爵士樂風格重新演繹《馀震》和《不捨也為愛》,他在後台接受傳媒訪問時直言,今次並非為下月紅館演唱會熱身,純粹希望為籌款出一分力。

軒仔日前推出的《盛樂演唱會》藍光碟,他特別提到今日在Instagram中限時上架,並收錄在專輯中的紀錄片《The Cloudless》,內容包括自2019年開始籌備到完結時的一點一滴,包括得知有確診者來過紅館看演唱會後的精神狀態。軒仔承認曾打算在電影院放映:“第一個版本剪完係3個半鐘,本來我想剪做大約兩個鐘,放喺戲院上啦。原來喺電影院上紀錄片嘅程序係好複雜,要經過電檢等等嘅手續,最後都係決定收錄喺碟入面。”他覺得整個籌備過程百感交集,加上《盛樂》是上年疫情後唯一一個紅館演唱會,於是萌生製作紀錄片的想法。

這次紀錄片也包括在家中生活的珍貴片段,軒仔透露今次攝影師不但在家中安裝多個鏡頭,甚至也長居家中,因此能透過影像紀錄日常生活:“包括遮遮早餐都有,究竟佢係點煮呢?煮出嚟新鮮嘅樣係點呢?大家都可以睇到。仲有啲畫面係衝涼,刷牙,但係兒童適宜嘅。”

不過最近軒仔家中的愛犬受漸凍症所困,被問到今次演出心情有否受到影響,軒仔坦言有擔心,不過上台一刻即收拾心情:“我諗入咗行咁多年都慣咗,要做嘢嘅時候就要做嘢。值得慶幸嘅係病情穩定,但係醫生都有講過已經冇任何治療措施。其實貓貓狗狗都係家庭成員一部份,佢真係好似我個女,已經15歲,而哥基其實好少可以養到15歲。佢開過好多次刀,急救過,佢呢一生已經好叻。”

軒仔說,過去一段時間安排家中工人照顧哥基,自己自行安排起居飲食,不過近日已經向公司請假,希望未來數日專心照顧它。軒仔又透露,其實在前日出席過新城頒獎禮記招後,他就忙於照顧愛犬:“做完頒獎禮記招後,我放咗自己大約一個鐘頭假,去咗薄扶林海邊唞下氣,但係pat pat都未坐熱就收到屋企電話,話佢呼吸得唔好,我就即刻要返去。觀察咗大約四個鐘,佢穩定啲,就返房衝涼。點知衝完涼瞓落床,工人姐姐就打電話叫我落嚟睇,見到呼吸唔對路,於是換衫送佢去抽積水。”

更多香港娛樂動態

全站最新消息

d