【婚紗曬爆乳】周秀娜濕身誘Edan:你锺意我啲乜

電視劇《大叔的愛》啱啱播完,主角之一嘅Edan(呂爵安)@MIRROR 人氣升上高峰,尋日乘勢推出佢第2首單曲《小諧星》,個MV上載13個鐘就已經有38萬觀看次數,認真犀利!不過個MV最驚喜,都要算得上系周秀娜嘅演出,近年轉型演員收埋好身材嘅佢,激罕以婚紗造型曬爆乳,最後仲有一幕濕身誘惑添!

娜姐喺MV入面本色演出做番個演員,接咗套飾演鋼琴家嘅戲,咁就搵咗Edan嚟屋企教琴,手把手教女神彈琴兼日對夜對,自然就產生咗感情,雖然娜姐即將同陸駿光結婚,不過Edan發現佢哋關系有多少問題仲成日鬧交,就算娜姐試婚紗時,Edan都默默陪伴。講番試婚紗嘅情況,娜姐身穿低胸剪裁嘅款式,盡展佢嘅豐滿上圍,期間抽腰封時,更令胸部產生劇烈晃動,真系睇到人有啲頭暈!

故事繼續發展,導演彭秀慧試戲時好唔滿意娜姐彈琴嘅表現,仲嬲到掟劇本,搞到娜姐好無奈,好彩有Edan一直陪住,佢哋喺屋企瘋狂飲酒放飛輕松嚇,之後佢哋去咗泳池,仲玩到落曬水成身濕曬,最後一個鏡頭雖然系冇聲聽唔到佢哋講乜,不過睇娜姐口形,好明顯系問Edan:“你锺意我啲乜?”雖然Edan冇答,不過配番最尾嘅歌詞:“還未知哪條情路往仙境,所以請准我留低,跟他一拼。”呢個開放式結局令大家保持幻想之外,亦都承接番上一首歌《E先生連環不幸事件》大玩錯愛!

更多香港娛樂動態

全站最新消息

d