李佳芯自比羅拉敢於冒險 懶理事業受阻勇往直前

視後李佳芯(Ali)近年黑仔都暈,之前被公司雪藏多時,到近月先至逃出生天,TVB逐漸將佢“解凍”,其孭飛劇集《智能愛人》之前4月於網上播映完,現定於8月3日在翡翠台播映,以為今年有機再衝擊視後,不過為配合奧運特備節目,頭一星期會於晚上10時15分播出,變相飛出黃金時間,面對重重波折,李佳芯喺社交網終於發聲。

佢曬出一身羅拉Look,著住小背心同戴上護眼罩,個樣似為冒險準備,佢留言:“李佳芯,激發你的下一次冒險!”唔少網民解讀佢無懼世事變改,就算前景幾咁艱難,佢依然敢於冒險,勇往直前。網民又發現佢今次系呼應番佢對上一個Post話:“知道怎樣做,跟會否去做!”以證佢唔服輸嘅性格,叫佢一定要加油!

更多香港娛樂動態

全站最新消息

d