TVB馬拉松式迎東奧 炎明熹連踩2日造勢

為迎接東京奧運會,TVB連日來鋪天蓋地舉行相關活動,更派藝人到日本採訪。除了昨午(23日)舉行《2020東京奧運開幕典禮 全情READY!》外,晚上更出動“雙視帝”陳豪和王浩信為活動撐場。至於剛出爐的“聲夢傳奇新星”炎明熹連踩2日造勢,齊齊激起奧運士氣!

陳豪、王浩信、黃翠如與朱晨麗(朱朱)、胡鴻鈞等昨晚(23日)出席奧海城《全城齊睇東京奧運開幕禮》,現場有不少粉絲圍觀,信和集團資產管理董事蔡碧林(Bella)到場支持。王浩信打頭陣唱歌贈興,炒熱現場氣氛。他感動說:“我真系好锺意唱歌,現場觀眾掌聲原來咁重要,希望疫情快啲完,可以再唱現場。

”他表示會留意劍擊項目:“因為我嘅工作室簽咗劍擊港隊隊員佘繕妡,希望佢喺運動事業有更好發展。我開緊劇,唔可以去東京現場為佢打氣,但會睇直播支持佢。”提到早前他做網上直播時,女兒罕有入鏡,他說:“囡囡好想睇我直播同邊個傾偈,佢只系出咗半秒,估唔到大家Keep低。”

陳豪練舉重
而陳豪表示支持中國舉重隊,笑言自己最近練舉重,舉起3個小朋友及太太陳茵媺都沒有問題。提到太太經常網曬水著相騷身材,他說:“啲相我親自操刀,等大家食嚇冰淇淋,我唔介意。”

朱朱表示小時候希望到現場觀看賽事,很佩服運動員的堅持,又透露早前與今屆候選港姐入營受訓,分享了選美貼士:“其實我心目中已經有3甲人選!”至於翠如老公蕭正楠於社交網表示將離港,叫大家給老婆食物,翠如笑言:“佢今日已經出發隔離緊,預計去兩個幾月。(你真系冇嘢食?)佢成日都覺得我存活唔到!整嘢食唔難,佢都交帶咗住附近嘅朋友邀請我食飯,我就想堅持每日跑步,跑到老公返嚟。”

唔羨慕姚焯菲
至於“新人王”炎明熹(Gigi)連日來出席活動宣傳東奧,她受訪時表示不疲倦,笑言可累積經驗。提到有傳姚焯菲有機會拍電影,問到可會羨慕?她說:“唔會,各自有工作。如果佢真系拍戲,會叫佢加油。”再問她會否學戲?她坦言想,亦會請教前輩。對於MIRROR昨日(23日)出席活動,吸引5千粉絲到場,她說:“我啲fans今日都有嚟支持,好開心。MIRROR系前輩,佢哋有一定實力先可以儲到咁多fans。”

更多香港娛樂動態

全站最新消息

d