陳年片段出土︱黃日華新舊豪宅大對比 愈住愈豪

藝人黃日華於80年代系當紅小生,被稱為無綫五虎將之一,當年工作做唔停嘅佢,短短幾年已經上車成功,最近big big channel就上載1986年節目《K-100》探訪黃日華屋企嘅短片,原來當年已經好興去參觀明星屋企,黃日華於節目中透露當年買呢間屋企嘅原因,系因為喺TVB附近,方便返工,片段中可見佢家中有酒吧、大浴室等,相比起依家嘅納米屋已經算系豪宅,而佢都會將獎牌、獎座等,同劇迷送畀佢嘅禮物,放喺家中收藏!

而黃日華婚後女兒黃芷晴出世,覺得唔夠住,就搬入一間三層高嘅大屋,客廳設於二樓,有一張超巨型梳化,而一向唔介意人哋參觀佢屋企嘅佢,今次就邀請內地真人騷《女兒們的男朋友》參觀佢屋企,豪宅以白色為主,三樓廚房超大,設備一應俱全。

而最勁嘅系屋企客廳玻琍櫃擺滿了一整面牆嘅模型玩具,全部都系黃日華親手砌成,而屋企某一個角落,就見到黃日華與亡妻梁潔華嘅合照,佢不時於此處懷念同亡妻相處點滴,可見佢絕對系情深好老公兼好爸爸。

更多香港娛樂動態

全站最新消息

d