做快閃店長︱鄺潔楹做老板娘挨到殘 被笑似鬼!

藝人鄺潔楹(Judy)於兩個月內兩度“升呢”做老板娘密密吸金,近日才為健身室舉行開張儀式的她,今日(18日)現身銅鑼灣再為自家制曲奇品牌做2個鐘快閃店長,吸引大批Fans課金、影合照,好友兼香港劍擊運動員林衍蕙更有到場幫襯支持。

現正趕拍無綫新劇《四十二章經》的Judy,笑謂今早才剛收工,就直接返屋企拎曲奇到Pop-up Store補貨,稍後又要再返電視城開工,難怪她笑說覺得一日有50個鐘:“呢個星期真系發生好多事,真系好忙!健身室開張,曲奇又有4日攤位,我都嚟咗2日,大約賣咗600幾塊曲奇,成績好好!”又笑嘲因為最近Chur爆變得好殘,被其他檔主誤以為“撞邪”:“第一日朝早7點嚟Set up,我又系拍完劇收工嚟,聽到其他人講‘系咪鄺潔楹嚟?好似鬼咁!’真系好好笑,真系我嚟!”

Judy又報喜指曲奇生意短短開業兩個月已經回本,扣取成本更有約5位數字落袋,猶如打了一支強心針,令她非常感動!同時亦有多個商場向她招手傾合作,希望於聖誕節檔期再搞Pop-up Store,問到可有考慮開門市?她坦言今年不會,因為實體店需要大量人手,成本自然上升:“最近因為要拍劇,所以先請咗一個人幫手整餅,開店起碼要請6至8個人,條數暫時未計得掂,哈哈!”

分身乏術之下,打趣問到男友可有詐型?她冧爆指沒有:“我自己都少咗好多Me time,朋友都見少咗。(男友冇投訴你見餅多過見佢?)咁又冇。(佢有冇落大量Order幫襯你?)唔使啦,今次呢個市集儲到好多新嘅街客,亦有朋友怕我會滯銷,一嚟都3盒咁買走,唔使出動到男友。”

更多香港娛樂動態

全站最新消息

d