#即時娛樂新聞##香港娛樂新聞# 「聲生不息| 王祖藍義務做主持兼監製 為節目舉家搬長沙..」
由TVB(@TVB官方微博 )與#芒果TV# 合辦的節目《#聲生不息# 》正在熱播中,節目除咗搵嚟多位香港及內地殿堂級歌手與新生代歌手參與之外,仲有何炅及@王祖藍 擔任主持,節目播出以來引起香港及內地網民熱烈討論。近年#王祖藍# 選擇北上發展,參與唔少綜藝節目拍攝,撈得風生水起。近日佢接受內地電台訪問指佢除咗係《聲生不息》主持之外,仲兼任節目監製一職,而且兩項工作都係義務冇錢收。

近日王祖藍內地電台訪問,期間就講到有傳聞指佢係義務做《聲生不息》,而佢就直認有關傳聞,並話佢好感恩有呢個咁難得嘅機會,因為可以兩地一齊宣傳港樂,佢覺得咁樣比酬勞更加重要。之後佢就話為咗感謝佢哋同TVB合作做呢件事,為咗全國人民嘅港樂情、兩岸交流及新生代歌手嘅交流,佢就話唔使酬勞,佢感謝大家,而佢亦相信回報係全國人民都可以感受到港樂。另外,王祖藍仲話《聲生不息》只係兩地合作發展嘅第一步,嚟緊會有唔少殿堂級歌手陸續登場。

除此之外,王祖藍提到佢為咗方便拍攝《聲生不息》及另一節目《爸爸當家》,所以佢舉家由上海搬到長沙。呢幾個月除咗拍節目之外,佢哋一家人都有唔少親子活動,例如去坐地鐵、放風箏及去博物館等等,同小朋友一齊感受長沙嘅風土人情。

(來源:yahoo娛樂圈) http://t.cn/R2WxksT

更多娛樂新聞動態

全站最新消息

d