#即時娛樂新聞##香港娛樂新聞# 「... - @娛樂圈新聞速遞的微博精選

2022/05/22 16:45

#即時娛樂新聞##香港娛樂新聞# 「@葉巧琳Mischa 送醃製20年鹹柑桔 @張敬軒Official ：飲完開多二百場..」
《香港文匯報》訊：#張敬軒# （軒仔）演唱會最近已舉行到第八、九場，日前並請來@林奕匡Phil 、#葉巧琳# 及@AlfredHui許廷鏗擔任嘉賓。而眾嘉賓「拜見皇上」都帶上禮物，讓軒仔每晚都滿載而歸。今次三位嘉賓，Phil給軒仔做了一個咖啡Menu，讓他可以教「遮遮」如何沖咖啡。Mischa就連媽媽家傳之寶——醃製了20年的鹹柑桔都捧來紅館，軒仔笑言飲完可開多二百場。Alfred則送上自己的黑膠大碟，令軒仔不禁笑言：「雖然未到7月，但真係收好多張紙製品呀！」

軒仔在台上用「好好先生」來形容Phil ，指他永遠充滿正能量，懷疑這個人連睡覺也是帶著笑容。Phil則上台表示：「我正好就是你1月因為疫情而暫停演唱會當晚的嘉賓，當時我留言同軒仔講，唔使擔心，一定開得返！而且會再開多幾場！真係中曬啦。」軒仔就謂：「真係承你貴言啦！我𠵱家公開要大家作證，我好想Phil寫歌畀我，我咩題材都可以，只要唔係早餐就得㗎啦！」Phil隨即送上咖啡Menu，讓軒仔可以教「遮遮」沖咖啡，並馬上答應會交歌。

Mischa上台時十分搞笑：「我個男人今晚有嚟，所以我唔可以以身相許，不過我將家傳之寶，我媽咪醃製20年嘅鹹柑桔帶嚟送畀你。」軒仔捧住大樽鹹柑桔，驚歎真的很重手：「真係好，我估我飲完開多二百場都冇問題，多謝『百有』，我搵日去你屋企食飯多謝你，我會斬料上嚟！」

許廷鏗贈自己的黑膠大碟

軒仔又謂一直以為Mischa是新人，原來她已經出道9年，一個歌手最難就是當過新人後，如何於漫長的歌手路上儲到好作品站上頒獎台。所以他既然有紅館這個舞台，就好想為這些打拚中的歌手加冕：「我相信Mischa最近已經遇上佢嘅代表作，我好想同佢一齊合唱《難道我還未夠難》！」觀眾報以歡呼及掌聲，Mischa感動地多謝軒仔，說自己童年夢想就是上紅館唱一首歌，今日終於願望成真，希望日後可以再踏上紅館開自己演唱會，屆時一定邀請軒仔來看。

來到前晚（20日），紅館再次放寬座位至七成多觀眾入場，氣氛比之前更熱烈，叫喊聲自然也比之前八場更大。當Alfred出場時，他也被觀眾的叫喊聲所震撼。

Alfred上來「拜見皇上」，當然也有帶禮物，軒仔笑住反問：「唔係又係紙製品嘛？」Alfred：「真係紙造喎，個包裝係紙造……」原來他帶來了自己最新推出的黑膠大碟送給軒仔：「我呢隻唱片已經賣曬㗎啦，每一隻都有編號，你呢隻係冇嘅，不過你唔好以為我唔尊重你，冇編號係因為呢隻係第一隻印嘅唱片，所以係最特別最有紀念價值。另外我知你好重視音質，呢隻碟我係搵太極德哥（劉賢德）同我試音，而試機嗰日，佢第一隻拿出來試機嘅歌，就係你嘅歌！」軒仔十分開心接過貴重大禮：「好開心呀，佢會成為我日後Hi-Fi試音碟。」之後Alfred又拿出即影即有相機，說要自拍留念，但因為緊張手震，弄了很久也未拍到。

此外，@周家怡、#曾樂彤# 、#李靖筠# 、#洪助升# 、#蝦頭# 、@何超雲、@周志文AdrianChau 、@羅天宇Joey 等亦有前來捧場。
（記者文芬） http://t.cn/R2WxksT

微博海外全站

微博國際

微博台灣

微博香港

微博新加坡

微博馬來西亞

微博泰國

微博北美

微博日本

微博韓國

微博香港 精選分類

更多娛樂新聞動態

相關視頻最多人關注

娛樂圈新聞速遞其他動態

全站最新消息

熱門微博推薦

YouTube頻道官方推薦

精選博主推薦

娛樂八叫獸

看電影

新浪娛樂

娛樂鮮報

追星少女卓小宴

微博香港精選分類