#即時娛樂新聞##香港娛樂新聞##香港樂壇##聲夢傳奇2# |星級導師陣容公開 #林二汶# 被網民批食兩家茶禮..」
TVB(@TVB官方微博 )選秀節目《聲夢傳奇2》喺噚日(19日)舉行記者會,除咗23位學員再度登場之外,大會隨即公佈新賽制及6位星級導師,包括Gin Lee(#李幸倪# )、#泳兒# 、JW(#王灝兒# )、#布志綸# (Alan)、#林奕匡# (Phil)及林二汶。
今次嘅賽制將分紅和藍兩隊,紅隊總監係Eric Kwok,而藍隊總監就係陳奐仁。至於星級導師方面,Gin Lee、泳兒及JW繼續擔任導師,而林二汶、布志綸及林奕匡就取代上季導師周柏豪、衛蘭及江海迦(Aga)。林二汶曾經係ViuTV《全民造星3》導師,今次就為TVB《聲夢傳奇2》擔任導師,佢就認為四面台好新鮮,係一個訓練嘅好開始。而佢喺接受傳媒訪問時就話兩個節目嘅形式唔同,仲笑話會揀男學員先,而佢亦比較著重內涵、真誠、有自信,不過如果佢哋曳嘅會照鬧,如果有心水學員就會搶到底。

林二汶係#ViuTV# 常客,係《晚吹-又要威 又要戴頭盔》及《對號入座》等節目主持及為《全民造星III》擔任導師,去年花姐更邀請佢冧莊為《全民造星IV》導師,不過佢就冇答應,並指自己籌備緊音樂教室。點知佢喺11月嘅時候就現身TVB《萬千星輝賀台慶》演唱。唔少網民都對林二汶擔任《聲夢傳奇2》好大反應,再一次被網民批佢「食兩家茶禮」。
(來源:yahoo娛樂圈) http://t.cn/R2WxksT

更多娛樂新聞動態

全站最新消息

d