#即時娛樂新聞# 「余子明效力TVB逾40年 對一年一騷 6800元合約心淡拒 ..」
77歲嘅#余子明# 嚿年拍畢劇集《踩過界II》就離開咗效力逾40年嘅#TVB##TVB[超話]# ,不過佢卻未有退休,近日更拍攝ViuTV新劇《940920》。余子明接受媒體訪問時,指比起拍TVB劇集,拍ViuTV劇集唔會太辛苦,又提到當初不甘被TVB「一年一騷合約僅包薪6800元」綁死,自言對此對待心淡而拒簽離開。
余子明指拍攝ViuTV《940920》每次都有專車接送又唔洗捱更抵夜,從來未試過拍劇咁嘆,相反喺TVB嗰陣就試過因為拍攝《平安谷之詭谷傳說》,兩星期都瞓唔夠40小時,意識到身體頂唔順先去睇醫生。余子明更於2000年喺內地拍攝《尋秦記》時意外喺馬車上跌落嚟撞傷頭,不過當時睇少咗其傷勢繼續開工,回港後因腦積瘀血昏迷入院做開腦手術,及後自付廿萬手術費,經囝囝幫忙睇過TVB份勞保後,TVB只畀返大約兩萬元佢,至今余子明個頭仲留有凹泂。余子明未完全康復之際,深怕影響拍攝進度所以趕住開工,直言應承咗人就要做好件事:「我點辛苦係我嘅事。」
為TVB賣心賣力,卻被改成一年一騷合約僅包薪$6800,余子明以「心淡」形容:「淡,淡得好緊要添呀,我都估唔到無綫突然間變到咁樣。」亦只能以「自己年紀大,呢個社會係咁現實」自我安慰。余子明直言未改合約前,單靠TVB份糧絕對係唔夠,所以聽到邊到有錢搵就會去,登台賺落嘅錢就交畀太太馮素雲買樓投資。余子明未成為演員前,由記者轉為歌手,曾與徐小鳳同台演出,佢而家就希望拍劇過戲癮之餘,可以喺紅館搞一個慈善演唱會,將所有收入捐給慈善機構。
(yahoo娛樂圈) http://t.cn/R2culr6

更多娛樂新聞動態

全站最新消息

d