#即時娛樂新聞# 「香港大美人@李嘉欣Michele 用美顔濾鏡太重手?被網民指皮膚膠兼似蛇妖..」
而家好多人都影相/拍片大過天,執靚個樣後就放上網同人分享。唔少藝人好多時都會上載工作或生活點滴到社交網站同粉絲分享,同時佢哋好鍾意使用唔同類型嘅濾鏡,好似現年51歲嘅「大美人」李嘉欣咁,佢近日上載咗一條喺車廂嘅自拍影片,期間佢唔知係唔係想電暈一班粉絲,不停向鏡頭擺甫士放電,不過喺美顏濾鏡加持下佢個樣唔同曬,除咗皮膚好膠之外,下巴更出奇地尖,被網民話佢搞到變咗「蛇妖」。
#李嘉欣# 呢條影片疑似用濾鏡過曬火位,搞到唔少網民都接受唔到,紛紛留言話:「嘩! 勁膠!假爆!」、「唔好用apps太膠面,自然啲靚啲」、「唔好用filter啦,成個蛇妖咁」、「Filter 太過火了」、「這app太不自然了!本人已夠美了,修圖軟體很多餘!」、「似蛇妖,唔係人人都適合用filter」、「你P圖,P到個樣好假」、「真心嚇一嚇」、「這美顏開的也狠了吧」及「別美顏了,美顏了還沒有本人好看呢」等等。
(yahoo娛樂圈) http://t.cn/R2WxksT

更多娛樂新聞動態

全站最新消息

d