分享至微博
分享至 Facebook
列印

【四角戀羅生門】張景淳偷食Regen 街頭哭求宋雙佳原諒

2015-06-19 04:46PM
1 / 6

幾年前憑《天與地》「家明」一角走紅�H張景淳,星途暗淡。不過就被報章起底佢係富二化,本來早已公開有女友宋雙佳(08年曾參選華姐),仲不時於網上曬恩愛。不過上年就因為爆出同有男朋友�H前HotCha成員張惠雅(Regen)拍《潮拜武當》暗地撻著,搞出四角戀。Regen仲因為咁被傳被當時男友家暴。

有報章影到張景淳日前到上環等女友宋雙佳,不過女友一見佢就嬲爆爆,仲一支箭咁走咗去。但就見張景淳雙手捉住女友手臂不講不停,仲越講越激動,不過宋雙佳似乎無咩反應,仲多次推開張景淳。兩人喺街拉扯一輪,宋雙佳終於答應上車,之後張景淳將車駛到將軍澳,繼續於車內死纏。

片段睇到張景淳於車內越喊越勁,仲不停用紙巾抹眼淚,多次伏喺女友大腿求原諒咁。報導指因為當時夜闌人靜,但就清楚聽到宋雙佳話:「總之唔會啦,我接受唔到囉,唔好咁啦你!」又謂張景淳求饒話:「唔好啦,我真係會改㗎,唔好啦!」 之後因為張景淳停車位置阻住其他車出入,佢先將車駛走。

其實張景淳上年12月中被拍到以同一車輛載Regen去銅鑼灣買眼鏡;今年2月又被影到一齊交蒲次後,張景淳送女方返閏,被影到互攬。至月初Regen被爆遭前男友家暴,佢就承認同張照淳拍拖三個月。不過5月時,張景淳仲同女友宋雙佳曬親密照,如今上演「浪子回頭」戲碼,似乎四角戀真係似曾曾喎。

分享至微博
分享至 Facebook
列印
${IMG}
${CNAMEA}: ${TEXT}
${COMMENT_DATETIME}
要先登入微博賬號才能觀看評論啊!