分享至微博
分享至 Facebook
列印

連詩雅回避男友嬲唔嬲 冇知會拍大膽戲

2015-06-09 03:51PM
1 / 6

連詩雅(Shiga)日前出席小學通識比賽,表示平時都有看新聞,但最近去了美國工作兩星期先未能緊貼時事。又謂入行前教小朋友,同小朋友工作咗五年以上,所以同小朋友合作無問題。而講到最近Shiga忙於宣傳新戲《野狼與瑪莉》,問到知否電影在馬來西亞上映時有部分意識大膽畫面被剪掉?她表示:「我都未睇過成個完整版本,馬來西亞嗰次係第一次睇,我又未睇到香港個版本,所以都唔知有幾大分別。」

而對於有報道指她因拍攝《野》而激親男友,佢就婉轉地回應無特別知會男友:「冇乜特別問身邊人,冇乜點同身邊人溝通過呢樣嘢,除咗同事同屋企人,身邊好多人都唔係好知我平時做緊乜,日日好多工作,解釋唔晒。(男朋友有冇睇過電影其中啲片段呀?)身邊好多人都有睇,大家都知其實套戲係黑色幽默喜劇,套戲好誇張,我拍嗰陣係冇乜裸露場面,冇乜激情戲,只係故事令大家畫面上有想像,電影都係燒屍等血腥畫面為主。」又指其中燒屍一幕是親自上陣,但有做足安全措施,有CG後製。而剝bra、摸胸就是散shot剪接,她解釋:「只係動作嚟,好似有幕戴bra係我本身已戴咗,拍嗰陣喺本身bra上面再戴多個,我都未睇過香港版,可能有啲嘢香港版先有。」又指未知到時會否跟男友一齊看,因要忙於宣傳同派新歌。

分享至微博
分享至 Facebook
列印
${IMG}
${CNAMEA}: ${TEXT}
${COMMENT_DATETIME}
要先登入微博賬號才能觀看評論啊!